నిన్ను చేరలేక...

అందాన్ని అబద్ధంగా చూపడానికి ప్రయిత్నించేవాడు....

నిశ్శబ్ధాన్ని వినలేక చెవులు మూసుకొనేవాడు....

కనులు తెరిస్తే ఆ కనులు విడిచి నువ్వు ఎక్కడ వెళ్ళిపోతావనే భయంతో కనురెప్పకి రాయిని కట్టి నిద్రించేవాడు...

నీ మనసుకి అర్ధం కావాలనే తపనతో ప్రేమ అనే భాషని నేర్చుకొనేవాడు...

మనసు మరణించిందని అమృతంతో బ్రతికించడానికి ప్రయిత్నించేవాడు... (మనిషినైతే బ్రతికిస్తుంది... అది మనసుని కూడా బ్రతికిస్తుందా.... ?)

వస్తువు పగిలితే శబ్ధం వస్తుంది.... మనసు పగిలితే నిశ్సబ్ధం మిగులుతుందని....తెలుసుకొని చిరునవ్వుతో ఓదార్చుకొనేవాడు... నీ ప్రేమికుడు... :)

చెప్పిన మాట!

అమాయకంగా అడుగులో అడుగేస్తూ... స్కూలుకి వెళ్ళేటప్పుడు అమ్మ రోజూ చెప్పే మాటలు....
నాన్నా... ఎవరు ఏమిచ్చినా తీసుకోవద్దు అని...
అవే మాటలు పెద్ద అయిన తర్వాత కూడా చెప్తే ఎంతో బాగుండేది కదా...?

నాన్న చెప్పేవారు ఒకరు ఇచ్చిన వస్తువుని జాగ్రత్తగా ఉంచమని...
మన వస్తువు పోయినా పర్వాలేదు... వాళ్ళ వస్తువు పొరపాటున కూడా పాడు చేయోద్దని (అలాగే చేసా నా మనసుని చేజార్చుకున్నా... కాని ఆమె మనసుని మాత్రం పదిలంగా దాచాను).


ఫ్రెండు తరచూ అనేవాడు.... రాళ్ళకి మనసుంటే బాగున్ను... వాటిని కాస్త పరిశోధించి అమ్మాయిల మనసులో ఏముందో తెలుసుకోవచ్చు అని... ...(కాని నాకేం తెలుసు... ఆనందం కష్టం తర్వాత వస్తుంది.... ప్రేమ నష్టానికి ముందు వస్తుందని...)


ఆ అమ్మాయి చెప్తూ ఉండేది... అలాంటి మనసు కావాలని... ఎలాంటి మనసు కావాలో ఇప్పటి వరకు అర్ధం కాలేదు...(బహుశా పార్ట్నర్ అంటే షాపింగు లో డ్రెస్సు సెలెక్టు చేయడం ఏమో...?)


కాని ఇప్పుడు నా మనసు చెపుతోంది ... ఒక్కసారి బాల్యం లోకి వెళ్ళాలి అని...మరొక్కసారి ఈ తప్పులు చేయని జీవితం మొదలు పెట్టాలి అని...

Oh My Friend!

మనిషికి అదృష్టం అనేది ఉంటే... అది వారి స్నేహితులు మాత్రమే...

నా కన్నీటికి భయం నువ్వంటే... వెంటనే తుడిచేస్తావని....

నా మనసుకి ఇష్టం నువ్వంటే... నాలాగే ఆలోచిస్తావని....

నాలో ఉన్న భయం కూడా భయపడుతుంది... ఆ స్థానంలో నువ్వు ధైర్యాన్ని నింపేస్తావని...

ఆనందాన్ని మాటల్లో చెప్పలేను... కాని చూపించగలను.... నీ రూపంలో...

నీ ధ్యాసలో!

చినుకు బరువుకు తనువు తేలికయ్యంది... నీ రాకతో...

తళుకు మెరుపుకు చీకటి చిట్లిపోయింది... నీ నవ్వుతో...

ఎదురు చూపుకు త్రోవ చిన్నదయ్యింది... నీ స్పర్శతో...

మరుపు మలుపుకు మొదలు చిగురించింది... నీ చూపుతో...

నీ పెదవి పిలుపుకు మనసు మరొక్కసారి జన్మించిది.... నీ మధురిమతో...

నీకు న్యాయమా?

ఎందుకో తెలియదు... సాగర కెరటాల ఆరాటాలు నా మనసులో ఎప్పుడూ ఎగిసి పడుతూనే ఉంటాయి...

ఎన్నో ఆశలు...ఎన్నో ఊహలు...ఎన్నో కలల సౌధాలు...ఒక్కసారిగా కన్నీటి ధారలలో చేరిపోయాయి...

ఒక శిల శిల్పంగా మారాలి అంటే ... శిల్పికి ఎంత ఓర్పు అవసరమో...ఆ శిలకి కూడ అంతే సహనం అవసరం..

।ఏ ఒక్కరు విసుగు చెందినా... శిల లో ఉన్న శిల్పం కలగానే ఉండి పోతుంది...

కనురెప్పను తెరవడానికి ఒక వెలుగు అడ్డు వస్తోంది అంటే... ఆ తప్పు కిరణానిది కాదు...

చూసేందుకు శక్తి లేని ఆ నయనానిది...

అదే కన్నులతో నా మనసుని చూడలేని నువ్వు... తప్పు నా పైన వెయ్యటం నీకు న్యాయమా?

నీకు తెలుసా?

నీ చిరునవ్వుని అడగాలని ఉంది... కష్టం అంటే తెలుసా అని...

ఆ చిరుదివ్వెను అడగాలని ఉంది... చీకటి అంటే తెలుసా అని...

నీ సిరిమువ్వని అడగాలని ఉంది... మౌనం అంటే తెలుసా అని...

ఆ చిరుగాలిని అడగాలని ఉంది... స్థంబించటం అంటే తెలుసా అని...

నీ చిరు మనసుకి చెప్పాలని ఉంది... నా శ్వాసకి ప్రాణం నువ్వే అని...

అయితే

శబ్ధం కాస్త నిశ్శబ్ధం అయితే...

ధైర్యం కాస్త అధైర్య పడితే...

మౌనం కాస్త గానం చేస్తే...

నిద్దుర వచ్చి కనురెప్పను తెరిస్తే...

దీనికి కారణం నీ ప్రేమే అయితే...

ఆ ప్రేమనే నువ్వు వరముగా ఇస్తే...

My Life Shades

Once upon a time, I was crawling to reach my mother..
Now... Even If I run, I can't reach her..

Once upon a time, I was learning to make my dreams come true..
Now I am dreaming on how to learn new things..

Once upon a time, I spent my time with hearty friends around me..
Now I am spending my time with heartless machines..

Once upon a time, I never liked lessons from any one..
Now I am forced to listen lessons from every one..

Once upon a time I was praying to God for my future ...
Now I pray to my computer because it has become a God to me..

Life is ours don’t give any chance for it to be decided by others; we have to decide our Life... 

Remember the golden moments in the past and every moment will give birth to a small smile on your lips... 

కన్నీటికి మాటలొస్తే?

మాట మూగ పోవచ్చు కాని మనసు మాత్రం ఎప్పుడూ మువ్వలా మ్రోగుతూనే ఉంటుంది...

క్షణానికి ఎన్ని యుగాలో తెలియదు, కాని ఒక మనసుకి ఎన్ని మమకారాలో ఇప్పుడే తెలిసింది నీ ప్రేమలో॥చేసే ప్రతీ పనిలో...చూసే ప్రతీ వస్తువులో... పలికే ప్రతీ మాటలో...

నిద్రించే ఈ కనులలో... ఇలా ఎన్నో జ్ఞాపకాలు...

వీటిని దాచటానికి ఒక బ్యాంకు ఉంటే బాగుంటుంది కదా? హ్యాపీగా నిద్ర పోవచ్చు... :-)
ప్రేమ మనిషిని పిచ్చి వాడిని చేస్తుంది అని అంతా అంటారు... కాని అది శుద్ధ అబద్ధం... 

ఒక అమ్మాయి ఆ మనిషిని పిచ్చి వాడిని చేస్తుంది... ఇది పచ్చి నిజం...
ప్రశ్నించేది మీరే... జవాబు ఇచ్చేది మీరే...కొట్టేది మీరే... ఏడ్చేది మీరే...
చివరకు మా మనసులు నరికి... నీకు మనసు లేదు అని జారిపోయేది మీరే...
మేఘానికి మనసు లేకున్నా కరుగుతుంది... మగువకు మనసున్నా కరుగదు...
ప్రతీ క్షణం కనురెప్ప దాటడానికి మొహమాట పడుతున్న కన్నీటికి ధైర్యం చెప్పి మరీ నీ జ్ఞాపకాలను విడుస్తున్న నీ మనసు లేని ప్రేమికుడు...(ఎందుకంటే ఆ మనసు ఎప్పుడో చేజారిపోయింది...)
కన్నీటి తీగలతో బాధ అనే సంగీతాన్ని విలపిస్తూ ఆలపిస్తున్న గీతం ఇది....

నేను ప్రేమిస్తే?

ఈ విశ్వంలో నాకు తెలిసినంత వరకు అత్యంత విలువైనది ప్రేమ మాత్రమే...
అలాంటి ప్రేమని తాకాలని ప్రతీ మనసు తపిస్తూనే ఉంటుంది...
ఎందుకంటే అది స్వచ్ఛమైన గాలిలో స్వేచ్ఛగా తిరిగే హంసలాంటిది...
విధి అనే బాణం తగిలే వరకు అది ఎంతో ఆనందంగా తిరుగుతూనే ఉంటుంది...
ప్రేమించినప్పుడు ప్రపంచాన్ని జయించినంత ఆనందం ఉంటే...
అది విఫలమైనప్పుడు మనసు అనే సామ్రాజ్యాన్ని కోల్పోయినంత దుఃఖంతో ఉంటుంది...
క్షణాన్ని విషంలా భావించే వాడు ఒకడు...
నరకాన్ని అమితంగా ప్రేమించేవాడు ఇంకొకడు...
పంచ భూతాలలో తనూ ఒక భూతం అయితే బాగున్ను అనేవాడు మరొకడు...
పిడికిలి లో గాలి ఉండదు... వెలుతురు ఉండదు... కాని గెలవాలి అనే లక్ష్యం మాత్రం ఉంటుంది... కాని పిడికిలంత మనసులో ప్రేమ అనే చిన్నఅలికిడి ఉంటే చాలు... ఆ ప్రేమ గెలిచే వరకూ తనకు చేరువయ్యే మనసుతో ప్రయాణం చేస్తూనే ఉంటుంది...
ప్రేమించే వాడు పిరికివాడు కాడు॥అలాగే పిరికివాడు ఒక గొప్ప ప్రేమికుడు కాలేడు॥