Monday, September 16, 2013
ఆవేదనకై అన్వేషణ
ధృతం హితం పరాన్కితం ... స్వయంకృతం ఓ వికృతం ....
అహితమైన అహం సహితమై ... మరో పతనమై నా గమ్యం ...
దివి విడిచిన అశ్రువు ఒకటి ... నా కన్నుల చేరితే ...
నిప్పుల ఎడారిలోన ... నీటి కరువుతో గుండె బరువుతో ... కన్నీరైనా నీరేనని ఆనందిస్తున్నా ఈ లోకంలో ...
ఆశ రాదు ... నిరాశ పోదు ... వలచిన అలసటతో స్నేహం కడుతూ ..
గెలిచిన ఓటమి గేలి చేస్తూ ఉంటే... ప్రాణమైన మానం చావు గానం చేస్తూ ఉంటే ...
తలచేందుకు రేపు లేక ... మరచేందుకు నిన్న పోక ... ప్రతి క్షణం ఓ మరణమై ఆవహిస్తూ ఉంటే ...
ఆశల దప్పికతో ... ఊహల ఉక్కిరిలో .... తలమునకలై .. తలముక్కలై కాలంతో తలపడుతున్న ఓ బాటసారిగా ...
నన్ను కలిసేందుకు... స్నేహ హస్తం ఇచ్చేందుకు.... చివరకి మరణమైనా ఉందని సంతోషిస్తున్న వెర్రివాడిని నేను....
Sunday, December 25, 2011
ప్రేమంటేనే ఒక ప్రశ్న
ప్రేమించడానికి మనసే లేనప్పుడు..... ప్రేమ కోసం ఎదురుచూసే వాడిని ఏమంటారో కూడ నిజంగా నాకు తెలీదు....
ప్రాణం విలువ ప్రేమ అనే రెండు అక్షరాలని తెలిసీ కూడ... వాటిని చెరపాలని చేసే ప్రయత్నం లో నా మనసే చెరిగిపోయింది....
ప్రయత్నించకుండా పెరిగేది వయసు అని తెలుసు...... కానీ... ప్రయత్నించినా పెరగనిది..... నా మీద ప్రేమ అని....
ఎందుకో.... ఇప్పటికీ నాకు అర్ధం కాదు...
Wednesday, September 1, 2010
నీ మనసు గెలవడానికై...
Tuesday, January 12, 2010
నా చెలి అలిగితే...
Tuesday, July 14, 2009
నిన్ను చేరలేక...
Thursday, May 28, 2009
చెప్పిన మాట!
నాన్నా... ఎవరు ఏమిచ్చినా తీసుకోవద్దు అని...
అవే మాటలు పెద్ద అయిన తర్వాత కూడా చెప్తే ఎంతో బాగుండేది కదా...?
నాన్న చెప్పేవారు ఒకరు ఇచ్చిన వస్తువుని జాగ్రత్తగా ఉంచమని...
మన వస్తువు పోయినా పర్వాలేదు... వాళ్ళ వస్తువు పొరపాటున కూడా పాడు చేయోద్దని (అలాగే చేసా నా మనసుని చేజార్చుకున్నా... కాని ఆమె మనసుని మాత్రం పదిలంగా దాచాను).
ఫ్రెండు తరచూ అనేవాడు.... రాళ్ళకి మనసుంటే బాగున్ను... వాటిని కాస్త పరిశోధించి అమ్మాయిల మనసులో ఏముందో తెలుసుకోవచ్చు అని... ...(కాని నాకేం తెలుసు... ఆనందం కష్టం తర్వాత వస్తుంది.... ప్రేమ నష్టానికి ముందు వస్తుందని...)
ఆ అమ్మాయి చెప్తూ ఉండేది... అలాంటి మనసు కావాలని... ఎలాంటి మనసు కావాలో ఇప్పటి వరకు అర్ధం కాలేదు...(బహుశా పార్ట్నర్ అంటే షాపింగు లో డ్రెస్సు సెలెక్టు చేయడం ఏమో...?)
కాని ఇప్పుడు నా మనసు చెపుతోంది ... ఒక్కసారి బాల్యం లోకి వెళ్ళాలి అని...మరొక్కసారి ఈ తప్పులు చేయని జీవితం మొదలు పెట్టాలి అని...
Tuesday, February 17, 2009
Oh My Friend!
Wednesday, January 21, 2009
నీ ధ్యాసలో!
చినుకు బరువుకు తనువు తేలికయ్యంది... నీ రాకతో...
తళుకు మెరుపుకు చీకటి చిట్లిపోయింది... నీ నవ్వుతో...
ఎదురు చూపుకు త్రోవ చిన్నదయ్యింది... నీ స్పర్శతో...
మరుపు మలుపుకు మొదలు చిగురించింది... నీ చూపుతో...
నీ పెదవి పిలుపుకు మనసు మరొక్కసారి జన్మించిది.... నీ మధురిమతో...
Monday, January 19, 2009
నీకు న్యాయమా?
ఎందుకో తెలియదు... సాగర కెరటాల ఆరాటాలు నా మనసులో ఎప్పుడూ ఎగిసి పడుతూనే ఉంటాయి...
ఎన్నో ఆశలు...ఎన్నో ఊహలు...ఎన్నో కలల సౌధాలు...ఒక్కసారిగా కన్నీటి ధారలలో చేరిపోయాయి...
ఒక శిల శిల్పంగా మారాలి అంటే ... శిల్పికి ఎంత ఓర్పు అవసరమో...ఆ శిలకి కూడ అంతే సహనం అవసరం..
।ఏ ఒక్కరు విసుగు చెందినా... శిల లో ఉన్న శిల్పం కలగానే ఉండి పోతుంది...
కనురెప్పను తెరవడానికి ఒక వెలుగు అడ్డు వస్తోంది అంటే... ఆ తప్పు కిరణానిది కాదు...
చూసేందుకు శక్తి లేని ఆ నయనానిది...
అదే కన్నులతో నా మనసుని చూడలేని నువ్వు... తప్పు నా పైన వెయ్యటం నీకు న్యాయమా?
నీకు తెలుసా?
ఆ చిరుదివ్వెను అడగాలని ఉంది... చీకటి అంటే తెలుసా అని...
నీ సిరిమువ్వని అడగాలని ఉంది... మౌనం అంటే తెలుసా అని...
ఆ చిరుగాలిని అడగాలని ఉంది... స్థంబించటం అంటే తెలుసా అని...
నీ చిరు మనసుకి చెప్పాలని ఉంది... నా శ్వాసకి ప్రాణం నువ్వే అని...